Whiskered Tern

A gaivina de cara branca (Chlidonias hybridus ou Chlidonias hybrida) é unha ave mariña da familia Laridae (antes clasificábase na familia Sternidae). Ten diversas razas xeográficas que se diferencian polo tamaño e algúns pequenos detalles da plumaxe.

Descrición

A plumaxe na época de cría e gris escura, os adultos teñen as meixelas brancas, feito que lles da o seu nome. Ten na cabeza unha pucha negra característica. A cola é curta e ten forma de galleto. O bico é forte (mide de 29 a 34 mm nos machos e de 25 a 27 mm nas femias). En inverno a plumaxe son dun gris moito máis pálido, e a fronte é branca. A plumaxe dos exemplares novos é semellante á plumaxe invernal dos adultos, agás polo lombo de cor xenxibre.

Costumes

Os exemplares tropicais son sedentarios, pero os que viven en Europa e Asia emigran en inverno a ägfrica e o sur de Asia. Cría en colonias, a miudo mesturado con algunhas especies de gaivota. Poñe, entre maio e xuño, uns 3 ovos.

Aliméntase de peixes pequenos, crustáceos e insectos que captura na superficie da auga.

Subespecies

• C. h. hybridus, a forma tipo, cría en Europa e Asia.
• C. h. delalandii, máis escuro e co bico máis curto é natural do este e sur de África.
• C. h. javanicus, de cor máis pálida cá forma tipo, vive dende a illa de Xava a Australia.

Galería

• Plumaxe invernal

• Adultos

• Adulto e polo

Véxase tamén

1. ↑ BirdLife International (2012). "Chlidonias hybrida". Lista Vermella de especies ameazadas. Versión 2013.2 (en inglés). Unión Internacional para a Conservación da Natureza. Consultado o 26 November 2013.