Die Sandsteenbras (Lithognathus mormyrus) is 'n vis wat voorkom in die Middellandse See en aan die weskus van Afrika tot by Mosambiek. Die vis kom meer algemeen voor aan die wes- en suidkus van Suid-Afrika. In Engels staan die vis bekend as die Sand steenbras.
Die vis se kop en lyf is silwer met 13 - 14 vertikale, nou donker strepe oor die lyf. Die vis word 55 cm lank en 1 kg swaar.
Die volwasse visse verkies sanderige bodems in water van 10 – 50 m diepte terwyl die onvolwasse visse in skole naby die strande of by die mondings van oop strandmere voorkom. Hulle vreet krappe, garnale en slakke. Dit is 'n gewilde eetvis.
Die Sandsteenbras (Lithognathus mormyrus) is 'n vis wat voorkom in die Middellandse See en aan die weskus van Afrika tot by Mosambiek. Die vis kom meer algemeen voor aan die wes- en suidkus van Suid-Afrika. In Engels staan die vis bekend as die Sand steenbras.