La medioluto norteña (Melanargia galathea) ye una especie de lepidópteru ditrisio de la familia Nymphalidae propia d'Europa y Norte d'África hasta Irán. Vuela n'Asturies.[1]
Los machos tienen un valumbu d'unos 53 milímetros, y les femes, d'unos 58.[2] Les nales son blanques con llurdios negros bien marcaes que dibuxen un patrón axedrezáu. La especie dio llugar a una serie de variedaes cromátidas y races xeográfiques. Na península ibérica vuelen nos sos distintos territorios otres cuatro Melanargias, la russiae, M. Ines, M. lachesis y M.occitanica.[3][4] Vuela dende'l nivel del mar hasta los 1600 metros.
Les caparines apaecen de normal en xunu o xunetu, dacuando fin de mayu a principios de setiembre en cotes más elevaes. Periodu de vuelu univoltino. La fema pon los güevos, que dexa cayer en vuelu sobre la vexetación, que va ser l'alimentu de les canesbes.
Son atraíos poles flores de Centaurea, Cirsium, Carduus y Scabiosa.
La medioluto norteña (Melanargia galathea) ye una especie de lepidópteru ditrisio de la familia Nymphalidae propia d'Europa y Norte d'África hasta Irán. Vuela n'Asturies.
