Alpine Clematis

Alpski pryšćenc (Clematis alpina) je rostlina ze swójby maslenkowych rostlinow (Ranunculaceae).

Kćenje

Wopisanje

Alpski pryšćenc je wity kerčk, kotryž ma 2 m dołhe lězucymi, wodrjewjacymi wubitkami.

Łopjena

Łopjena su napřećostejne, dołho stołpikate a dwójce třiličbne.

Kćenja

Kćěja wot meje hač awgusta. Kćenja su zwónčkojte a steja po jednym w łopjenowych rozporach, su dołho stołpikate. Maja 4 fijałkojte hač swětłomódre kćenjowe łopješka, kotrež docpěwaja dołhosć wot 5 cm. Nektarowe łopješka su 10 hač 12, łopatkojte, běłopjelsćojte a jenož poł tak dołho kaž štyri kćenjowe łopjena.

Stameny su mnoholične a husto kosmate.

Płody

Płody su małki a kosmate a maja wotstajejo kosmate pěstki.

Stejnišćo

Rosće na skaliznach, w kerčinach, swětłych lěsach zwjetša na wapnje a rědko na silikaće.

Rozšěrjenje

Alpski pryšćenc je rozšěrjeny wot Pyrenejow přez Alpy, we wysokosć wot 1000-2400 m, a wuchodoeuropske hory hač sewjerneje Azije a sewjerneje Ameriki.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 377.
2. ↑ W internetowym słowniku: Waldrebe

Žórła

• GU Maxi-Kompaß Blumen, ISBN 3-7742-3852-9, strona 8 (němsce)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 270 (němsce)