Aza txinatarra (Brassica rapa chinensis) Brassicaceae familiako landare belarkara da, hau da, ortuetan lantzen diren belar itxurako horietako bat. Arbiaren espeziekoa da (Brassica rapa); espezie horretakoak dira azalorea, brokolia, aza eta aza gorria ere bai. Zerbaren itxura du baina aza mota bat da berez. Beste izen batzuk ere baditu: Pak Choi, Paksoi edo Bok Choy. Txinatar jatorria du eta oso erabilia da txinatar sukaldaritzan eta Asiakoan oro har. Euskal Herrian eta Europan ere hasi da erabiltzen eta produzitzen azken urteetan. Orri-mami txuri handiak, hosto berde zabalak eta pella handiak dituzte.[1]
Ohiko azaren antzerako zaporea du, baina, askoz suabeagoa da.[1] Txikoriaren, arbiaren eta azaren zaporeak gogorarazten du. Sukaldean, txikiturik, gordinik (gaztea denean bereziki), gutxi egosita, entsaladan eta gratinaturik jan daitezke. Wokean, soja saltsarekin eta anakardoekin ere oso ondo geratzen dira.[2][3][4] Beste azen modura, aza txinatarra fibra, ur eta bitaminatan oso aberatsa da, kaloria gutxi dauka, asegarria da eta aldi berean liraina eta digeritzeko erraza.
Hosto berde eta luzeak, peziolo zuriak. Zilindrikoa burubiltzen du. Ipar Txinan kultibatzen denez, Pe (iparra) tsai (landarea) du izena. 50-60 cm-ko altuera izatera iristen da.[1]
Hasieran Linnaeusek landare hauek Brassica chinensis barnean sailkatu zituen. Landare hauek ez dira burubiltzen, hosto leun eta ilun berde dira (zerba bati antzekoak). Beste barietatea baino txikiagoa izaten da, ez da 40 cm-ra iristen.[1]
Aza txinatarra (Brassica rapa chinensis) Brassicaceae familiako landare belarkara da, hau da, ortuetan lantzen diren belar itxurako horietako bat. Arbiaren espeziekoa da (Brassica rapa); espezie horretakoak dira azalorea, brokolia, aza eta aza gorria ere bai. Zerbaren itxura du baina aza mota bat da berez. Beste izen batzuk ere baditu: Pak Choi, Paksoi edo Bok Choy. Txinatar jatorria du eta oso erabilia da txinatar sukaldaritzan eta Asiakoan oro har. Euskal Herrian eta Europan ere hasi da erabiltzen eta produzitzen azken urteetan. Orri-mami txuri handiak, hosto berde zabalak eta pella handiak dituzte.
