Gle menòttere (Hymenoptera Linnaeus, 1758) suo n’órdene de nziétte, nzerite dénd’a la sotteclasse Pterygota (Endopterygota Oligoneoptera) é, comme úneche órdene, dénd’a la sezzione Hymenopteroidea, che radduce cchiù de 120.000 spèce spase pe tutte gle munne.
Gle nome se refà a le scénne membranose, é ne vè da le grèche andiche ὑμήν hymèn "pellécchia" é πτερόν pteròn "scénna".
Se spártene n’du sottórdene: gle Senfite (Symphyta o Chalastogastra), che tiéve la panza accucchiata a gle piétte sènza strezzatura, é gl’Apòcrete (Apocrita o Clistogastra), cchiù medèrne, che gle piétte chiaramènde scucchiate da la panza.
Suo nziétte peccerigle é ruosse, terrèštre, che le scénne o sènza scénne, che gle mandiégle de chelore varie é ne seschèletre che nen è tande tuošte. Dènd’a ciérte gruppe seštemátece ce šta spisse gle pelimerfisme de cašta. Gl'Órdene esište da gle Mesezòiche (basse Gerásseche).
