Dactylopius coccus Costa 1829

Dactylopius coccus (o la cochenilha per antonomasia), es un insècte emiptèr de la superfamilha Coccoidea, d'ont deriva lo carmin. Son d'insèctes que vivon dins los nopals, cactus del genre Opuntia, ne chucant la saba. Son originaris d'America del Sud e Mexic. Lo colorant d'aquestas cochenilhas se produsiá en America Centrala ja als tempses precolombians e dempuèi lo sègle XVI coma important produch d'exportacion. Amb l'arribada dels colorants sintetics al sègle XIX la produccion del carmin mermèt mas tornèt al vam amb la quimiofobia del sègle XX. Lo Peró n'es lo màger exportador.^[1] I a d'autras espècias dins del genre Dactylopius que son malaisits de distinguir e que produsisson tanben de carmin. Se pòt cultivar la cochenilha sus la majoritat de las 200 espècias del genre dels figuièrs de Barbariá (Opuntia) mas los melhors resultats se realizan sus l'espècia Opuntia ficus-indica.^[2] Las cochenilhas son d'insèctes de còrs mòl. La feme fa unes 5 mm de long e forma de colònias, es sessila e se bolega pas quand s'alimenta. Penetra dins la planta amb sa boca la fissant e s'alimenta de saba. Après l'acoblament amb lo mascle nais una ninfa fòrça pichona. Las ninfas secretan una substància cerosa que las protegís de la pluèja e la calor es blanquinosa o grisenca. Produson mai tard lo pigment amb per basa l'acid carminic qu'es roge que las protegís dels predadors. Los mascles adultes son alats e fòrça pichons en comparason de las femes e vivon solament lo temps de fertilitzar las femes e son rars de veire. A l'estat de ninfa las cochenilhas s'escampilhan e passan d'un cactus a l'autre ont faràn una generacion novèla. Lo cicle complet pren tres meses.

Estructura de l'acid carminic, la substància antidepredadors que se tròba en nautas concentracions en las coirassas. Lo carmin son las sals insolubles d'aqueste acid.

Las tacas blancas son las colonias de cochenilhas sus de nopals a La Palma de Canària

Referéncias

Bibliografia

• Jeremy. Indians, Merchants and Markets: A Reinterpretation of the Repartimiento and Spanish-Indian Economic Relations in Colonial Oaxaca, 1750–1821. Stanford: University Press,
• R. A., « Spanish Red: An Ethnogeographical Study of Cochineal and the Opuntia Cactus », 67, R. A. «Spanish Red: An Ethnogeographical Study of Cochineal and the Opuntia Cactus». , , , , pàg. : 10.2307/1006195.
• Eiland, Murray L., Jr.; (en) {{Obratge}} : paramètre titre mancant, Murray L., III. : Little, Brown and Companh,
• Amy Butler. : Empire, Espionage, and the Quest for the Color of Desire. : ,
• Brian. Politics and Trade in Southern Mexico, 1750–1821. Cambridge: University Press,
• David. Stanford: University Press,