Нарсны шүршүү (Pinicola enucleator), урьд Нарсны бужирга гэж байсан, нь Бужиргынхан овгийн шувуу юм.
Тэд Аляскын шилмүүст модон ой, АНУ, Канадын уул нурууд, Сибирь, Монгол зэрэг газар таарна. Ховор тохиолдод Европын сэрүүн хэсэгт таардаг.
Биеийн урт 20-22 см. Нас бие гүйцсэн шувууд урт салаа сүүл, цагаан судалтай хар далавч болон том хошуутай. Нас бие гүйцсэн эрэгчин улаан ягаандуу өнгийн толгой, ууц нуруутай. Эмэгчин нь шар ногоон толгой, ууцтай ба нуруу, өвөр хэсэг нь саарал юм.
Нарсны шүршүү шилмүүст модон ойд амьдарна. Модны ац салаанд үүрээ засаж, 5-6 сард 3-5 өндөг гаргах ба эмэгчин нь өндгөө дарж 12-14 хоногт ангаахай болдог. Ерөнхийдээ суурин амьдрах ба амьдрах бүсийн хамгийн хойд хэсэгт амьдрах зарим нь хоол тэжээл хомс үед өмнө зүгт шилжин нүүдэллэх аж.
Тэд голдуу ургамлын үр, жимс жимсгэнэ идэх ба мөн хорхой шавьжаар хооллодог.
Нарсны шүршүү (Pinicola enucleator), урьд Нарсны бужирга гэж байсан, нь Бужиргынхан овгийн шувуу юм.
Тэд Аляскын шилмүүст модон ой, АНУ, Канадын уул нурууд, Сибирь, Монгол зэрэг газар таарна. Ховор тохиолдод Европын сэрүүн хэсэгт таардаг.
