Eurasian Sparrowhawk

Accipiter nisus

De Sperber (Accipiter nisus; alemanischi Näme) isch e Raubvogel wo i Mitteleuropa öber s ganze Joor vorchunnt. Nume jöngeri Sperber verbringet de Winter im Süüde. I de Alpe chunnt er bis 2200 müM vor.

Uussie

Sperber gsiend äänlich uus, wie de Happech, sind aber chlinner. Hüüffig wered Sperberwiibli mit em Mandli vom Happech verwechslet, do baid äänlich gross sind. S Mandli vom Sperber haisst au Sprinz und isch um e Drittel chlinner as s Wiibli. Sperber sind individuell gfärbt und uf de Obersiite grau-bruu gfleckt, uf de Undersiite wiis-bruu gfleckt. De Sprinz isch uf de Undersiite eender röötlich. Sperber wered 29 bis 41 cm grooss und hend e Spannwiiti vo 60 bis 80 cm. Si wöget zwöschet 100 und 350 Gramm.

Lebeswiis

De Sperber lebt am Waldrand, i Waldliechtige, Bommgruppe, Büsch und Lebhääg und au i Sidlige. Sin Horst baut er uf Bömm in ere Hööchi vo 6 bis 12 Meter. Wenn s Wiibli am Brüete isch, werd s vom Sprinz gfüetteret. Sperber jaget vor alem Vögel usem Fluug.

Büecher

• Dick Forsman: The Raptors of Europe and the Middle East. Poyser, London 1999, ISBN 0-85661-098-4.
• Urs N. Glutz v. Blotzheim, Kurt M. Bauer & Einhard Bezzel: Handbuch der Vögel Mitteleuropas. Bd. 4, 2. Aufl., AULA-Verlag, Wiesbaden 1989, ISBN 3-89104-460-7.
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
• Ian Newton: The Sparrowhawk. Poyser, Calton 1986, ISBN 0-85661-041-0.
• Rudolf Ortlieb: Die Sperber. Neue Brehm Bücherei, 1987, ISBN 3-7403-0043-4.
• Interessengemeinschaft Sperber (Hrsg.): Der Sperber in Deutschland. Eine Übersicht mit Beiträgen aus 15 Regionen. Books on Demand GmbH, Norderstedt 2008, ISBN 978-3-8370-3271-0.
• Heinz Staffelbach: Handbuch Schweizer Alpen; Bern 2008.ISBN 978-3-258-06895-4