Gervougė (lot.Rubus caesius) ī tuokis ougu krūms, muokslėškā prigolons erškietėniu augalū (Rosaceae) šeimā.
Gervougės stombrē būn statmeni aba šliaužontis, ėšaug lėg 3 m aukštoma, so dīglēs. Lapā sosided ėš trėjū lapaliu, stombē dontīti. Žėidā balti ī. Ved tomsē mielinas rūgštuokas ougas. Gervougės ėšsirpst šėinapjūtie.
Aug anas pamedies, medies, doubūs, pakelies.
Ougas ī gardės ė tink jiedėmou, ougėinėm. Tepuogė gervougės lapā ė vāsē ī liekvarstos. Anas tora daug karuotėna, vėtamėna C, B gripės vėtamėnu. Gerėn virškėnėma, liuosoun vėdorius, ramėn nervus, skatėn prakātavėma. Gervougiu kuompresus ded ont pūliounontiu žāzdū.
