सतावर (Asparagus racemosus (ऐस्पेरेगस रेसीमोसस)) लिलिएसी कुल के जड़ी-बूटी हवे। एकरा के शतावर, शतावरी, सतावरी, सतमूल और सतमूली नियर ढेर सारा नाँव से जानल जाला। ई बूटी भारत, श्री लंका आ नेपाल में पहाड़ी इलाका के निचला हिस्सा में पैदा होले। एकर ओधी कई शाखा वाला लता के रूप में दो मीटर तक लम्बा होला। सोरि झकड़ादार होले।
एकर बिबिध आयुर्वेदिक आ खरबिरउआ दवाई सभ में इस्तमाल होला। खासतौर पर ई औरतन के कई ठो बेमारी में टॉनिक के काम करे ले। बच्चा होख्ले के बाद दूध बढ़ावे खातिर बीरो में पीस के मिलावल जाला।
