El ciodin (ciamà anca "cioeto") xe un fungo bon da magnare (ma coto, no cruo, parchè el saria masa pesante o adiritura tosego) che crese in fameje su pa i tronchi o łe soche smarse dei albari (piope, bredołe, fagari, castagni o altre piante dei boschi cedui, ma anca de quei de aghifoje) in utuno. I ciodini vien ciamà piopparelli o chiodini in tałjan e Honiggelber o Hallimasche in todesco.
Da picołi ła capeła xe globoxa, come ła testa de un ciodo, de cołor xało miełe o roso-maron. Quando che i diventa pi grandi, el çentro deła capeła se infosa e ła capeła se fa pi piata e de cołor maron. Łe creste soto ła capeła łe xe bianche, con macie rose che core xo anca sul ganbo. I ganbi i xe ciłindrici, tante volte tacà ł'un coł'altro quando che i crese insieme, e i ga 'n aneło bianco.