ဆတ်ကျွဲကို ဝိုင်းလ်ဒီးဘီးစ် ဟုလည်းကောင်း၊ နူး ဟုလည်းကောင်း ခေါ်တွင် သည်။ နူးတောဆိတ်၊ နူးသမင် စသည်ဖြင့်လည်း ခေါ်တွင်သည်။ ဘိုဗီးဒီးမျိုးရင်းတွင် ပါဝင်သည်။ မျိုးစိတ်နှစ်မျိုး ရှိသည်။ ဆတ်ကျွဲနက်နှင့် ဆတ်ကျွဲပြာတို့ ဖြစ်သည်။
ဝိုင်းလ်ဒီးဘီးစ် ဟူသောအမည်သည် ဒတ်ချ် ဘာသာစကားဖြင့် နွားရိုင်းဟု ဆိုလိုသည်။ နူးဟူသော အမည်မှာမူ ခွိုင်ခွိုင်လူမျိုးများက ခေါ်ဆိုသောအမည် ဖြစ်သည်။[၁] [၂]
ဆတ်ကျွဲသည် အလွန်ထူးခြားသည်။ အခြားတောဆိတ်(အန်တီလုပ်)တို့ကဲ့သို့ သေးသွယ်သော ခြေထောက်နှင့် ခွာများရှိသည်။ ဦးခေါင်းသည် ကျွဲဦးခေါင်းနှင့်တူသည်။ လည် ဆံမွေးနှင့် မြင်းမြီးကဲ့သို့ အမြီးလည်းပါရှိသည်။ လည်ပင်းပတ်လည်နှင့် နှာခေါင်း၊ ပါးစပ်တို့တွင် အမွေးကြမ်းများရှိသည်။ ဆတ်ကျွဲတို့သည် အလွန်ရန်မူတတ်သည့် တောဆိတ်မျိုး ဖြစ်သည်။[၃]
ဆတ်ကျွဲကို ကင်ညာ၊ တန်ဇန်းနီးယား၊ တောင်အာဖရိက၊ ဘော့ဆွာနာ၊ ဇမ်ဘီယာ၊ ဇင်ဘာဘွေ၊ ဆွာဇီလန်၊ လီဆိုသို၊ မိုဇမ်ဘစ်၊ အင်ဂိုလာ၊ နမီးဘီးယားနိုင်ငံများတွင် တွေ့ရသည်။
ဆတ်ကျွဲကို ဝိုင်းလ်ဒီးဘီးစ် ဟုလည်းကောင်း၊ နူး ဟုလည်းကောင်း ခေါ်တွင် သည်။ နူးတောဆိတ်၊ နူးသမင် စသည်ဖြင့်လည်း ခေါ်တွင်သည်။ ဘိုဗီးဒီးမျိုးရင်းတွင် ပါဝင်သည်။ မျိုးစိတ်နှစ်မျိုး ရှိသည်။ ဆတ်ကျွဲနက်နှင့် ဆတ်ကျွဲပြာတို့ ဖြစ်သည်။