Die Visvalk (Pandion haliaetus) is 'n roofvoël wat aan die suid-, oos en noordkus van Suid-Afrika voorkom. Dit is die enigste spesie in die familie van visvalke (Pandionidae). Die voël staan in Nederlands as die visarend bekend, maar moet nie met die Afrikaanse visarend verwar word nie.
Die voël se kuif is effens wit met 'n donkerbruin masker deur die oë. Die vlerke is donker met wit onderkante.
Die Visvalk verkies baaie aan die kus en riviermondings. Hulle kom ook in binnelandse waters voor. Hulle broei in Europa en is 'n somerbesoeker aan Suid-Afrika. Hulle is alleenlopend en jag vis uit die lug deur onder die water in te duik om die vis met hul kloue te vang. Dit is bekend dat hul prooi deur visarende gesteel word.
Die Visvalk (Pandion haliaetus) is 'n roofvoël wat aan die suid-, oos en noordkus van Suid-Afrika voorkom. Dit is die enigste spesie in die familie van visvalke (Pandionidae). Die voël staan in Nederlands as die visarend bekend, maar moet nie met die Afrikaanse visarend verwar word nie.
