Һаҙ деүете (рус. Луговой конек) (лат. Anthus pratensis)— турғайҙар отрядендәге ҡош.
Турғай ҙурлыҡ. Күберәк ерҙән йөрөүсе бәләкәй генә ҡошсоҡ. Таш йәки түңгәк өҫтөнә ултырып йәки осоп барышлай һайрай, һырты буй ҡара таптар менән сыбар¬ланған һорғолт көрән, ҡорһаҡ яғы көрән таплы һорғолт аҡ. Оҙон ғына ҡойроғоноң ике яҡ ситенән аҡ һыҙыҡтар үтә. Урман деүетенән кәүҙәһенең аҫ яғындағы тимгелдәренёң ваҡ булыуы менән айырыла.
Тауышы киҫкен генә: «деүет» йәки «тиритт». һайрауы яңғырауыҡлы: «витти-витти-витти-витт, сик-сик-йик-йик-тйүрр».
Һирәк ҡыуаҡлы батҡыл урындарҙа, еүеш болондарҙа йәшәй. Ваҡ бөжәк¬тәр, үлән орлоҡтары менән туҡлана. Күсмә ҡош. һирәк осрай. Ерҙә оялай. Ҡара-көрән һипкелле 4—6 бөртөк зәңгәр йәки аҡһыл көрән йомортҡаһы була.
Һаҙ деүете (рус. Луговой конек) (лат. Anthus pratensis)— турғайҙар отрядендәге ҡош.
