Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO.
Sylvia conspicillata, conocida como Papuda tomillera, y dacuando tamién por Chirrera, ye una especie d'ave paseriforme del xéneru sylvia dientro de la familia sylviidae.
Descríbese como una papuda diminuta d'unos 13 cm de llargor y de llarga cola. El machu adultu presenta mantu y cabeza grises, con un inconspicuo aniellu ocular blancu; les nales son de color castañu nun tonu vivu, la cola corita coles plumes esteriores de color blancu; gargüelu tamién blancu, y pechu gris clarín con ciertu tonu rosáu que va faciéndose blancu conforme baxa escontra'l banduyu. Fema y neñón de color más apagáu y pardu amarronáu.
Cría en tomillares y otros terrenes secos o grebos de vexetación escasa y esvalixada, como salicornia, artumisa, romeros o coscojales, en definitiva carbes baxes, y xeneralmente en zones que s'atopen a menos de 700 m. Tamién se desenvuelve en zones marismeñas, con almajos y otres plantes halófiles, esto ye, con carbes de marisma salobre. Gusta de tener bastante suelu desnudu o bien escasamente cubiertu pola vexetación. Añera a escasu altor, nos parrotales típicos del so hábitat.
Emite un "churr" castañeante. El so trino ye agudu y pocu variáu.
Ye básicamente insectívora, polo que xeneralmente s'alimenta d'inseutos, anque tembién inxer arañes, moluscos y delles granes.
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO. Sylvia conspicillata, conocida como Papuda tomillera, y dacuando tamién por Chirrera, ye una especie d'ave paseriforme del xéneru sylvia dientro de la familia sylviidae.
