Włóžna přeslička (Stachys palustris) je rostlina ze swójby cycawkowych rostlinow (Lamiaceae).
Włóžna přeslička je trajne zelo, kotrež docpěwa wysokosć wot 30 hač 100 cm.
Stołpik je zrunany a štyrihranity.
Lancetojte łopjena su jako křižik přećiwostejne, zwjetša sedźace a docpěwaja dołhosć wot 3 hač 12 cm.
Kćěje wot junija hač septembra. Kćenja su purpurne a docpěwaja dołhosć wot 11 hač 17 mm. Hornja hubka je płonje helmojta a cyłokromna, mjeztym zo třidźělna delnja hubka je dwójce tak dołha a ćěmnje a swětło mustrowana. Kćenjowe mutlički steja husto jedyn nad druhim na kóncu stołpika. Króna docpěwa dołhosć wot 14 hač 18 mm a je dwójce tak dołha kaž krótkokosmaty keluch.
Rostlina ma kaž boblija stołstnjene wotnožki.
Rosće mjez druhimi trajnymi zelemi na brjohach a w hrjebjach, na włóžnych łukach, pućnych kromach. Preferuje mokre wutkate pódy.
Rostlina je w nimale cyłej Europje rozšěrjena.
Włóžna přeslička (Stachys palustris) je rostlina ze swójby cycawkowych rostlinow (Lamiaceae).