Redshank

Blečkata wuroć (Persicaria maculosa, syn. Polygonum persicaria L., Persicaria maculata (Raf.) Fourr.) je rostlina ze swójby wuroćowych rostlinow (Polygonaceae).

Wopis

Je jednolětna rostlina, kotraž docpěje wysokosć wot 10 hač do 80 cm.

Stołpiki su ležace hač zrunane a rozhałuzowane.

Łopjena

Błyšćace łopjena su lancetojte a njesu ćmowe blaki. Wone su jara krótko stołpikate abo sedźace.

Wobsahuje wótro słodace eteriske wolije.

Kćenja

Kćěje wot julija hač do oktobra. Róžojte, běłe abo nazeleń běłe kćenja docpěja dołhosć wot 2 hač do 3 mm a steja w 1-4 cm dołhich kłosojtych kwětnistwach. Kćenja a stołpiki kłosow su bjez žałzow. Přikrywne łopješka su róžojte hač čerwjene a docpěja dołhosć wot 2,5 hač do 3 mm.

Stejnišćo

Rosće w njerodźowych wobrostach na wobkopankowych a žitnych rolach, na drjebiznowych městnach, w zahrodach a na hrjebach. Preferuje włóžne, wutkate a dusykowe pódy.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 610.
2. ↑ W internetowym słowniku: Knöterich

Žórła

• GU Naturführer Blumen, ISBN 3-7742-1507-3, strona 102 (němsce)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 250 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 38 (němsce)

Eksterne wotkazy

Hlej wotpowědne dataje we Wikimedia Commons:
Blečkata wuroć