A lentilla u lentella ye la simient d'a lentellera u lentillera (Lens culinaris (L., 1758)), una planta herbacia en a familia d'as Fabaceae caultivata ta l'alimentación. A lentellera fa dica 40 cm d'altaria, con brancas feblas, con fuellas compuestas que s'ixarramican alternando-se per cada costato d'o tallo central. Os foliolos son oblongatos y la fuella tiene un farfiello terminal que se gosa trobar en forma vestichial. As flors son blancas con nervadura color vrioleta, unicas (no en racemos, como en altras especies) y fa las simients per parellas en una tabelleta (vaina) bofa de volumen.
As lentilleras, como tamién pasa con altras fabacias de mata chiqueta como os garbanzos u l'alfalz (y a diferencia d'as especies más grans, como chodigueras y bisalteras), son un caultivo de secano. Per ixo han gosato tener tanta importancia en os puestos a on no b'existen guaires reganos.
A simient, a lentella u lentilla, tiene forma arronchadeta, chiqueta (no más d'1 cm de diametro) y aplanada sobre lo suyo diametro, fendo la forma d'una lent biconvexa (d'o latín lens, deminutivo lenticŭla) y ye d'ixo que demana lo nombre.
A lentilla u lentella ye la simient d'a lentellera u lentillera (Lens culinaris (L., 1758)), una planta herbacia en a familia d'as Fabaceae caultivata ta l'alimentación. A lentellera fa dica 40 cm d'altaria, con brancas feblas, con fuellas compuestas que s'ixarramican alternando-se per cada costato d'o tallo central. Os foliolos son oblongatos y la fuella tiene un farfiello terminal que se gosa trobar en forma vestichial. As flors son blancas con nervadura color vrioleta, unicas (no en racemos, como en altras especies) y fa las simients per parellas en una tabelleta (vaina) bofa de volumen.
As lentilleras, como tamién pasa con altras fabacias de mata chiqueta como os garbanzos u l'alfalz (y a diferencia d'as especies más grans, como chodigueras y bisalteras), son un caultivo de secano. Per ixo han gosato tener tanta importancia en os puestos a on no b'existen guaires reganos.
A simient, a lentella u lentilla, tiene forma arronchadeta, chiqueta (no más d'1 cm de diametro) y aplanada sobre lo suyo diametro, fendo la forma d'una lent biconvexa (d'o latín lens, deminutivo lenticŭla) y ye d'ixo que demana lo nombre.
