Die Drilvisse (Torpedinidae) is 'n vis-familie wat hoort tot die orde Torpediniformes. Daar is slegs een genus met sewentien spesies wat hoort tot dié familie en drie van die spesies kom aan die Suid-Afrikaanse kus voor.
Die familie se kop, lyf en pektorale vinne vorm een ronde skyf met 'n groot elektriese orgaan weerskante van die kop. Daar is twee dorsale vinne teenwoordig en die stertvin het 'n boonste- en onderste lob. Daar is vyf paar kieusplete onder die kop. Die grootte wissel van 0.6 - 1.8 m. Die familie is oor die algemeen bodembewoners wat tot op dieptes van 457 m aangetref word. Hulle eet onder andere skaaldiere, wurms en pelagiese vis. Die elektriese organe kan 'n skok van tot 220 V lewer wat gebruik word om die prooi tydelik te verlam.
Die volgende genus en gepaardgaande spesies kom aan die Suid-Afrikaanse kus voor:
Die Drilvisse (Torpedinidae) is 'n vis-familie wat hoort tot die orde Torpediniformes. Daar is slegs een genus met sewentien spesies wat hoort tot dié familie en drie van die spesies kom aan die Suid-Afrikaanse kus voor.
