Los mantodeos (Mantodea, de Mantis y del griegu eidés, "que tien aspeutu de") son un orde d'inseutos neópteros comúnmente conocíos como mantis. Conócense unes 2.450 especies partíes per tol mundu, pero con especial diversidá nos trópicos. La so carauterística más llamativa ye la estructura de les sos pates anteriores, notablemente modificaes pa la captura de preses. Viven ente la vexetación, na que se camuflen perfectamente.
Tán estrechamente rellacionaos colos isópteros (termites) y los blatodeos ("cucaraches"), y estos tres grupos son dacuando axuntaos nel superorde Dictyoptera, que n'ocasiones ye consideráu como un orde.
El cuerpu ye allargáu, de coloración críptica verde o parda, anque esisten especies coloríes (Hymenopus, Theopompa, Liturgusa) que se camuflen con flores, corteza o liquen. Los mantodeos tienen una cabeza triangular y móvil. Na frente, sobre'l clipeo, alcuéntrase un escudu fronteru carauterísticu, sobre'l cual atópense tres ocelos. Les antenes son filiformes y l'aparatu bucal ye de tipu mazcador.
El protórax ye estrechu (Baciliforme) o toscu. Les pates anteriores son raptores. Éstes presenten una coxa allargada, dacuando tantu como'l fémur. Los fémures tan armaos a lo llargo de los marxes ventrales por 2 fileres de robustos escayos, al igual que les tibies.
Los mantodeos viven en rexones tropicales, subtropicales y templaes de tol mundu. Habiten nuna gran variedá d'hábitats terrestres, dende'l sable del desiertu fasta'l dosel del monte tropical. Toles especies son carnívores y la so dieta consiste n'otros artrópodos, anque especies de gran tamañu pueden añedir pequeños vertebraos a la so dieta, tales como llagartos, colibríes y royedores. Los Mantodea son tamién reconocíos poles sos habilidaes críptiques, pudiendo confundise perfeutamente cola so redolada inmediata, yá sía pol color o la forma del so cuerpu.
N'España y Portugal hai 16 especies, una d'elles propia d'Islles Canaries.
Los mantodeos (Mantodea, de Mantis y del griegu eidés, "que tien aspeutu de") son un orde d'inseutos neópteros comúnmente conocíos como mantis. Conócense unes 2.450 especies partíes per tol mundu, pero con especial diversidá nos trópicos. La so carauterística más llamativa ye la estructura de les sos pates anteriores, notablemente modificaes pa la captura de preses. Viven ente la vexetación, na que se camuflen perfectamente.
Tán estrechamente rellacionaos colos isópteros (termites) y los blatodeos ("cucaraches"), y estos tres grupos son dacuando axuntaos nel superorde Dictyoptera, que n'ocasiones ye consideráu como un orde.
