Chlorophytes

Kloropita (basa Inggris: Chlorophyta), utawa alga ijo iku éwoning protista mirib tuwuhan. Kloropita iku alga unisélulér lan multisélulér kang didhominasi déning klorofil saéngga warnané ijo.^[2] Ing ganggang ijo ana klorofil a, klorofil b, pigmén karotin lan xantofil. Jinis ganggang iki 90% urip ing banyu biyasa (sepa) lan 10 % ing laut dadi plankton, némpél ing watu utawa tuwuhan liya.^[2] Ganggang ijo dikelompokaké dadi:

• Alga kang duwé sèl siji lan ora owah^[2]
  • Chlorélla sp. Wujudé bunder, uripé ing banyu sepa utawa banyu laut, cara réprodhuksi végetatifé iku membelah dhiri.^[2]
  • Cholococcum sp. Wujudé bunder, urip ing banyu sepa, réprodhuksi végetatifé iku gawé zoospora, reprodhuksi generatifé iku isogami.^[2]
• Ganggang kang duwé sél siji lan owah^[2]
  • Chlamydomonas sp. wujudé bunder kaya endhog, duwé flagél loro, kloroplasé kaya mangkok utawa pita kang isiné pyrénoid lan sigma.^[2] Réprodhuksiné iku membelah dhiri lan konjugasi^[2]
  • Euglena viridis, wujudé kaya mata, duwé flagél siji, klorofil lan sigma.^[2] Cara réprodhuksiné membelah dhiri.^[2]
• wujudé koloni kang owah.^[3]Volvox globator, wujud koloniné kaya bal kang kasusun saka ewunan volvox kang siji lan liyané dihubungna déning benang-benang sitoplasma.^[3] Volvox uga dikelompokna ing protozoa.^[3]
• wujudé koloni kang ora owah^[3]

Hydrodiction sp. Koloniné iku wujudé kaya jala, akèh kang ditemukna ing banyu sepa, cara réprodhuksinéiku végetatif carané fragméntasi lan cara generatifé iku konjugasi.^[3]

• wujudé benang^[3]

Spirogyra sp. Kloroplasé wujudé spiral, urip ing banyu sepa. Cara réprodhuksi végetatifé iku nganggo cara konjugasi.^[3]

• wujudé lembaran^[3]

Ulva uripé némpél ing watu.^[3] Cara réprodhuksi végetatifé iku nggawé zoospora lan cara generatifé iku isogami.^[3]

Cathetan suku

Rujukan