Polar Bear

ჩე თუნთი (ლათ. Ursus maritimus — ზუღაშ თუნთი) — მახვამილაფარი ძუძუშმაწუალი ჩხოლარი თუნთიშობურეფიშ ფანიაშე. არქტიკული ფაუნაშ ტიპობური წჷმმარინაფალი. გოფაჩილი რე ოორუე ჸინჩამი ოკიანეშ კოკეფს დო წყარპიჯეფს. კერიშ რსხულიშ სიგჷნძა რე 2.5-3 მ, ჸორიშ — 2-2.5 მეტრშახ ონჭუ. კერიშ წონა 400-650 კგ (ოშა-გოშა შვანეფს 1000 კგ), ჸორიშ — 175-300 კგ. თელარაშ ხანგჷნძალა 20-30 წანა რე. რსხული ფორილი რე ჩე (მოჸვინთალე), შხირი, გჷრნძე ბოწოწით. ჩე თუნთიშ თარი ოჭკომალი რე სელაპი, თაშნეშე ჭკომუნს ჩხომს, მაფურინჯეეფს დო თინეფიშ მარქვალეფს, ნოღურს. ზოთონჯის ვერულუანს. ჯგირო გილანჩურუნს დო ინწყუანს. ნჩურუას ოხვარუ ფსქელი კანგიმენიციმუშ ფა, ნამუთ აჭიჭარენს ჩხოლარიშ დორხველჷ წონას დო თხილანს თის ჩხურუშე. მაკება 8 თუთაშახ იგჷნძარებუ. ირ 2 წანმოწანაშე ართშა ხანს 1-2, ოშა-გოშათ 3 თუნთიშ მარგვის. სქესობურ რინას იჭყანს 4 წანაშ ხანს (კერი უმოსი გვიანს). ჩე თუნთიშ ტყების გჷმირინუანა ხალიათ, ხორცის — ოჭკომალო. ზოოექსპორტიშ ანდაღებული ობიექტი რე. ჩე თუნთშა მაჯინობა კანკალე ქიანას ვაშინერებული რე, კანკალესჷთ — გოხურგილი.

ლიტერატურა

• Bruemmer, Fred (1989). World of the Polar Bear. Toronto, ON: Key Porter Books. ISBN 1-55013-107-9.
• Hemstock, Annie (1999). The Polar Bear. Manakato, MN: Capstone Press. ISBN 0-7368-0031-X.
• Lockwood, Sophie (2006). Polar Bears. Chanhassen, MN: The Child's World. ISBN 1-59296-501-6.
• Matthews, Downs (1993). Polar Bear. San Francisco, CA: Chronicle Books. ISBN 9780811802048.
• Rosing, Norbert (1996). The World of the Polar Bear. Willowdale, ON: Firefly Books Ltd.. ISBN 1-55209-068-X.