Manisan (basa Inggris: sugar cane) adalah tatanaman nang ditanam hagan bahan baku gula (jangga) dan vetsin. Tatanaman naini wastu kawa tumbuh di banua ba'iklim tropis. Tatanaman naini tamasuk janis kumpai-kumpaian. Umur tatanaman tumatan ditanam sampai kawa dikatam mandapati kurang labih 1 tahun. Di Indunisia manisan banyak dibudidayakan di pulau Jawa dan Sumatera.
Hagan panggawian gula, batang manisan nang limbah dikatam diparah lawan masin pamarah (masin press) di pabrik gula. Limbah itu, nira atawa banyu parahan manisan nangitu ditapis, dimasak, dan diputihkan sahingga jadi gula putih nang kita pinandui. Tumat paroses panggawian manisan nangitu pacangan dihasilkan gula 5%, hampas manisan 90% dan sisanya ba'ujud tetes (molasse) dan banyu.
Daun manisan nang karing disambat kalaras (dalam basa Jawa, dadhok) adalah biomassa nang banilai kalori mayu tinggi. Uma-uma di kampungan rancak mamakai kalaras manisanh naitu sabagai bahan sirau (bahan bakar) hagan bamasak; suwalih hagan mamalar minyak gas nang sasain larang, bahan sirau naini gin hancap ai panas.
Dalam konversi energi pabrik gula, kalaras manisan dan jua ampas batang manisan diguna'akan hagan bahan sirau boiler, nang ruapnya diguna'akan hagan paroses paroduksi dan pambangkit listrik.
