Gorilla is e geslach vaan twie ing verwante minsape: de westeleke gorilla (Gorilla gorilla) en d'n oosteleke gorilla (Gorilla beringei). Ze zien in versjèllende oondersoorte verdeild. 't Zien forse bieste mèt hun leefgebeed in centraal Afrika, noordelek vaan de chimpansees. 't Uterlek vaan de bieste weurt dèks es impressief besjreve, um hun krach en hunnen umvaank. 't Lichaamskleid is zwart; 't alfamenneke heet 'ne zèlvere rögk (daonao ouch lètterlek zèlverrögk geneump).
In de populair cultuur weurt de gorilla dèks es blooddeursteg en geveuleg tegeliek geportretteerd; 't prototyp is King Kong oet de bekinde Tarzan-filme vaan de jaore daarteg. Feitelek zien gorilla's vegetariërs.
