La ĝardenangeliko (latine: Angelica archangelica), aŭ oficina angeliko (latine: angelica officinalis), botanike apartenas al la Apiacoj (Apiaceae).
La planto estis uzata kiel spico kaj kuracilo ekde la 10-a jarcento. En la kuirarto, oni uzas la foliojn, tigojn, semojn kaj la radikon de la planto. La folioj kaj la tigoj fajnigas ĉefe salatojn, saŭcojn, supojn kaj dolĉaĵojn. La tigoj estas ankaŭ ofte kandizitaj por uzo en kukaĵoj. La sekigitaj semoj kaj la radiko estas uzataj por produkti likvorojn.
