Fasmidoak intsektu ordena bat dira, Phasmatodea edo Phasmida izendatuak taxonomian. Euren izen arrunta intsektu makila edo intsektu hosto da, duten itxura dela eta.
2.500 espezietik 3.000ra ezagutzen dira. Kamuflaia oso ondo lantzen duen talde bat da, bai koloreetan, zein itxura eta jarreratan. Askotan zaila da ezberdintzea euren jaki diren landareengandik.
Talde honen barruan dauden intsektuak dira pisutsuenetarikoak (Heteropteryx dilatatak 30-40 gramo arteko pisua izan dezake), baita handienak ere, Phoabeticus kirbyik 32,8 zentimetro izan ditzake luzeran. Exopterygotaren barruan kokatzen dira.
