La Geum rivale ye una planta flordía perenne de la familia Rosaceae.
Ye natural d'Europa y Norteamérica.
Ye una planta viviega, bien común na vera de los regueros y en zones húmedes. Tien un tarmu argutu, qu'algama los 30 cm d'altor. Les fueyes son radicales, pinnaes, con foliolos dentaos y vellosos. La flor, de color mariellu púrpura o rosa anaranxáu, tien sépalos purpúreos.
En A Diccionary of Practical Materia Medica de Clarke J.H. del sieglu 19º, indicábase'l so usu en distintes enfermedaes.
Geum rivale describióse por Nikolaus Joseph von Jacquin y espublizóse en Icones Plantarum Rariorum 1: 10, pl. 93, nel añu 1786.[1]
Geum: nome xenéricu que remanez del llatín: gaeum(geum) = nome d'una planta, en Pliniu'l Vieyu, con finos raigaños negros y de bon golor, que se supunxo yera la yerba de San Benitu (Geum urbanum L.)[2]
rivale: epítetu llatín que significa "que crez nes corrientes d'agua".[3]
Esta páxina forma parte del wikiproyeutu Botánica, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. 
