Roach

Sär'g (latin.: Rutilus rutilus) om jogikalan levitadud erik Karpižed-sugukundaspäi.

Leviganduz

Eläb Evropas päiči suves, Sibirin jogiš i järviš, Kaspijan meren i Aralan basseinoiš. Sär'g om introduciruidud Avstralijan suvipäivnouzmas.

Pidase joukuil sijiš vällänke joksmusenke, kokerägoiden keskes, vezikazmusiden taga vai puiden kuvahaižen al. Adaptiruiše hüvin, eläb erazvuiččil süvüzil, veden lämudenke +4..+31 C°.

Ümbrikirjutand

Kala om järedanke somusenke. Keruz om hambhikaz, 10..12 hambast ühthe rivehe. Sel'g om mustan polhe, kül'ged i pök oma hobedakahad, erasti kuldakahad. Sil'man muju om verev rusked. Sel'gsuug kogoneb 10..12 palaspäi. Täuz'kaznu hibj oleleb 50 sm pitte i 2,5 kilogrammhasai vedutte. Igä 21 vodhesai.

Hen i nor' kala om rohked. Sötlese zooplanktonal, kazvab vitkos, vezištod kazvahtudas. Pütas sär'gid puhtastamha vezištoid i ümbriratas sömäks vai biodizelikš.

Erased alaerikod

Reskveden

• Rutilus rutilus rutilus — Järgeline sär'g
• R. rutilus lacustris — Sibirine sär'g

Solakahan veden

• R. rutilus heckeli (eläb Azovmeres i Mustmeres)
• R. rutilus caspicus — Vobl
• R. rutilus aralensis (eläb Aralan meren basseinas)

Homaičendad