Cetacea ("Toā hái-koài") chit ê ba̍k sī pau-koah hái-ang kap hái-ti chāi-lāi ê chúi-chhe chhī-leng-lūi, ū 80-goā-ê chéng, pun-chò 2 ê a-ba̍k: Mysticeti (chhiu-keng) kap Odontoceti (khí-keng, pau-koah hái-ti-á).
In sī sek-èng chúi-té seng-oa̍h siōng thiat-té ê chhī-leng tōng-bu̍t. In ê sin-khu sī liû-soàⁿ-hêng--ê, goā-phoê kng-ku̍t, kiông beh bô mo͘, ē-té kāu keng-lâ (blubber), thang pó-un. Chêng 2 ki "chhiú" pìⁿ ē-tit poé chúi ê si̍t, āu 2 ki "kha" chhàng tī thé-lāi, iā í-keng thoè-hoà bô lō͘-iōng. Boé-chhe sī thán-hoâiⁿ--ê.
