Os marsupials (scientificament -en latín- Marsupialia (ILLIGER, 1811)) son una infraclase de mamiferos adintro d'a subclase Theria. Ye l'atro grupo de terios contraposau con Placentalia en muitas clasificacions taxonomicas clasicas.
Se caracterizan por tener un desenvolique limitau adintro de l'utero de su mai, y naixer muit prematuros, por o qual han de completar o desenvolique acochaus contra las glandulas mamarias que son en o interior d'una bolsa marsupial u marsupio que tienen as fembras.
Os marsupials, que se despartión d'o tranco principal d'os mamiferos bien luego en os comienzos d'a suya evolución, fuen un grupo muit important en o pasau manimenos. Se pìensa que a mayoría d'os linaches marsupials s'extinguión por competencia con os placentarios entre o Eoceno y l'Oligoceno. Actualment nomás en queda buena copia en Australia, a on que os marsupials continan representando a mayor parte d'a macrofauna, y qualques especies en America.
O marsupio ye a caracteristica principal y a más conoixida d'os marsupials. O marsupio ye una bolsa de piel que as fembras tienen en l'abdomen y as glandulas mamarias son adintro. O marsupio se refirma con uns uesos particulars, que reciben o nombre de «uesos marsupials» y que fan distinguible o esqueleto d'os marsupials.
Os marsupials tienen una formula dental unica,[1] y anque a evolución pa adaptar-se a dietas y formas de vida muit diferents les ha dotau de piezas distinguibles, denguno repite as formulas que tienen os placentarios.
A temperatura corporal ye más alta en os marsupials que en os placentarios.[1] O suyo sistema chenito-urinario tamién ye peculiar, con utero doble y mesmo pene bifido[2] en qualques especies, anque o escroto ye regularment extra-abdominal, como tamién en os placentarios.
Os marsupials (scientificament -en latín- Marsupialia (ILLIGER, 1811)) son una infraclase de mamiferos adintro d'a subclase Theria. Ye l'atro grupo de terios contraposau con Placentalia en muitas clasificacions taxonomicas clasicas.
Se caracterizan por tener un desenvolique limitau adintro de l'utero de su mai, y naixer muit prematuros, por o qual han de completar o desenvolique acochaus contra las glandulas mamarias que son en o interior d'una bolsa marsupial u marsupio que tienen as fembras.
Os marsupials, que se despartión d'o tranco principal d'os mamiferos bien luego en os comienzos d'a suya evolución, fuen un grupo muit important en o pasau manimenos. Se pìensa que a mayoría d'os linaches marsupials s'extinguión por competencia con os placentarios entre o Eoceno y l'Oligoceno. Actualment nomás en queda buena copia en Australia, a on que os marsupials continan representando a mayor parte d'a macrofauna, y qualques especies en America.
