Phalaropus fulicarius ye un ave limícola. Esti falaropo habita nes rexones ártiques de Norteamérica y Eurasia. Ye una especie migratoria y de normal sigue rutes oceániques, envernando en mares tropicales.
El falaropo de picu gruesu mide unos 21 cm de llargor mediu, con pies palmotiaos y picu rectu. Mientres el periodu de cría la fema amuesa un plumaxe pardu escuru y negru nel envés, con banduyu coloráu y mexelles blanques. El picu ye mariellu, cola punta negra. Mientres el periodu de cría'l machu amuesa un plumaxe más apagáu que la fema. Los individuos nuevos amuesen un plumaxe gris claru y marrón, col banduyu más claru y un antifaz negru en redol a los güeyos. Mientres l'iviernu los falaropos de picu gruesu amuesen un plumaxe gris na parte cimera, y blancu na inferior, pero'l plumaxe negru en redol a los güeyos siempres ta presente. El picu ye de color negru pel hibiernu. La so llamada consiste nun curtiu y agudu "bik".
El falaropo de picu gruesu ye una especie bien donda y tranquila. Ye una de les especies a les que s'aplica'l Alcuerdu de Caltenimientu d'Aves acuátiques Migratories d'África-Eurasia.
Al contrariu que na mayoría d'especies d'aves, el papel sexual ta invertíu nes distintes especies de falaropos: les femes presenten un tamañu mayor y un plumaxe de color más vivu que los machos; les femes cortexen a los machos, compiten pol territoriu de anidamiento y defenden agresivamente a les sos pareyes y niales. Cuando les femes ponen los sos güevos, que son de color marrón oliváceo, empiecen la so migración escontra'l sur, dexando que los machos guaren los güevos y curien de los mozos. La puesta media consiste de 3-6 güevos, nun nial asitiáu nel suelu, cerca de l'agua. Los mozos aliméntense principalmente por sigo mesmos y son capaces de volar a los 18 díes de la so nacencia.
Cuando s'alimenta, el falaropo de picu gruesu de cutiu nada en círculos pequeños y rabiones, formando un pequeñu remolín. Créese qu'esta conducta ayúdalu a alzar el so alimentu del fondu de los estanques. El falaropo permanez nel cantu del remolín, atrapando pequeños inseutos y crustáceos col so picu. Dacuando vuela p'atrapar inseutos al vuelu. Nel océanu abiertu munches vegaes apaez en llugares onde converxen corrientes oceániques y cerca de grupos de ballenes. Fora de la estación de cría, suel viaxar en bandaes.
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Phalaropus fulicarius ye un ave limícola. Esti falaropo habita nes rexones ártiques de Norteamérica y Eurasia. Ye una especie migratoria y de normal sigue rutes oceániques, envernando en mares tropicales.
El falaropo de picu gruesu mide unos 21 cm de llargor mediu, con pies palmotiaos y picu rectu. Mientres el periodu de cría la fema amuesa un plumaxe pardu escuru y negru nel envés, con banduyu coloráu y mexelles blanques. El picu ye mariellu, cola punta negra. Mientres el periodu de cría'l machu amuesa un plumaxe más apagáu que la fema. Los individuos nuevos amuesen un plumaxe gris claru y marrón, col banduyu más claru y un antifaz negru en redol a los güeyos. Mientres l'iviernu los falaropos de picu gruesu amuesen un plumaxe gris na parte cimera, y blancu na inferior, pero'l plumaxe negru en redol a los güeyos siempres ta presente. El picu ye de color negru pel hibiernu. La so llamada consiste nun curtiu y agudu "bik".
El falaropo de picu gruesu ye una especie bien donda y tranquila. Ye una de les especies a les que s'aplica'l Alcuerdu de Caltenimientu d'Aves acuátiques Migratories d'África-Eurasia.
