Mesoplodont Whales

Mesoplodon é un xénero de cetáceos odontocetos da familia dos zifíidos que reúne quince especies, coñecidos como zifios, o que fai del o máis numeroso xénero de cetáceos.

Os científicos cren que aínda se van encontrar máis especies, pois os animais da familia dos zifíidos son moi pouco coñecidos.

Tampouco non se sabe o estado de conservación das especies coñecidas.

Taxonomía

Descrición

O xénero foi establecido en 1850 polo paleontólogo francés Paul Gervais,^[1][2] en Ann. Sci. Nat. Zool. (París), ser. 3, 14: 16.^[3]

Etimoloxía

O nome Mesoplodon, está composto de tres elementos do latín científico tirados do grego antigo:
— mes-, de μέσος mésos, "medio", que está no medio";
— -oplo-, de ὅπλον hóplon, "arma", e
— -odon, de οδούς, οδόντος odoús, odóntos, "dente",^[4]
e que podemos traducir como "armados con dentes no medio (da mandíbula)".

Zifio de Blainville.

Zifio de Gervais.

Esqueleto do zifio de True.

Sinonimia

Ademais de polo nome cuñado por Gervais, e actualmente válido, o xénero coñeceuse tamén polos sinónimos seguintes:^[1]

Clasificación

A sistemática do xénero baséase na forma e disposición dos dentes dos machos adultos.^[5]
Segundo o SIIT, e máis a EOL, comprende as seguintes 15 especies:^[1][6]

Xénero Mesoplodon Gervais, 1850

• Mesoplodon bidens (Sowerby, 1804) — zifio de Sowerby ou cifio de Sowerby
• Mesoplodon bowdoini Andrews, 1908
• Mesoplodon carlhubbsi Moore, 1963
• Mesoplodon densirostris (Blainville, 1817) — zifio de Blainville ou cifio de Blainville
• Mesoplodon europaeus (Gervais, 1855) — cifio de Gervais
• Mesoplodon ginkgodens Nishiwaki & Kamiya, 1958
• Mesoplodon grayi Von Haast, 1876
• Mesoplodon hectori (Gray, 1871)
• Mesoplodon hotaula Deraniyagala, 1963
• Mesoplodon layardii (Gray, 1865)
• Mesoplodon mirus True, 1913 — zifio de True ou cifio de True
• Mesoplodon perrini Dalebout, Mead, Baker, Baker & van Helden, 2002
• Mesoplodon peruvianus Reyes, Mead & Van Waerebeek, 1991
• Mesoplodon stejnegeri True, 1885
• Mesoplodon traversii (Gray, 1874)

Notas:
1. Os nomes vulgares galegos das especies arriba relacionadas son os propostos por Lahuerta e Vázquez, no seu Vocabulario multilingüe (os escritos en letra grosa),^[7] e por Díaz d'a Silva e Cartelle (os escritos en letra normal).^[8]
2. Dado que a Real Academia Galega dá para o nome da familia o de zifíidos,^[9] e aínda que non rexistra a entrada zifio, por lóxica estes nomes deben escribirse con z inicial.

En Galicia

Segundo Díaz d'a Silva e Caretelle, rexístranse en augas próximas a Galicia as especies Mesoplodon bidens, M. densirostris, M. europaeus e M. mirus, aínda que a súa presenza é accidental.^[8]

Áreas de dispersión das especies citadas en Galicia

• zifio de Sowerby

• zifio de Blainville

• zifio de Gervais

• zifio de True

Notas

Véxase tamén

Bibliografía

• Carwardine, Mark (1995): Ballenas, delfines y marsopas. Barcelona: Ediciones Omega. ISBN 84-282-1037-3.
• Díaz d'a Silva, J. I. e Cartelle, Y. (2007): Guía dos mamíferos de Galicia. A Coruña: Baía Edicións. ISBN 978-84-96893-20-7.
• Duguy, R. e Robineau, D. (1987): Guía de los mamíferos marinos de Europa. Barcelona: Ediciones Omega. ISBN 84-282-0811-5.
• Heyning, John E (2002): "Cuvier's Beaked Whale", en Jefferson, Thomas A. Encyclopedia of Marine Mammals, pp. 305–307. [[San Diego: Academic Press. ISBN 0-12-551340-2.
• Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago: Xunta de Galicia. ISBN 84-453-2913-8.
• Perrin, William F., Bernd Wursig & J. G. M. Thewissen (eds.) (2002): Encyclopedia of Marine Mammals. 2ª ed. San Diego, California: Academic Press. ISBN 978-0-12-373553-9.
• Wilson, D. E. & Reeder, D. M. (eds.) (2005): Mammal Species of the World. A Taxonomic and Geographic Reference. Third edition. ISBN 0-8018-8221-4.

Outros artigos

• Cetáceos
• Odontocetos
• Zifíidos