Jehłancojty zběhowc (Ajuga pyramidalis) je rostlina ze swójby cycawkowych rostlinow (Lamiaceae).
Wopis
Jehłancojty zběhowc docpěwa wysokosć wot 10 hač 20 cm. Rostlina nima wuběžki.
Łopjena
Łopjena su w křižu přećiwostejne, husto stejace, horje mjeńšace. Delnje łopjena su rozetojte, wopak jejkojte, słabje karbowane a docpěwaja dołhosć wot 5 hač 10 cm. Hornje łopjena su často wioletnje přeběžane.
Kćenja
Kćěje wot julija hač awgusta. Kćenja steja po dwěmaj hač po štyrjoch w mutličkach. Króna je swětło wioletnomódra a docpěwa dołhosć wot 10 hač 18 mm. Łopješka w kwětnistwje su něhdźe dwójce tak dołhe kaž kćenja.
Stejnišćo
Rosće na małowapnitych hórskich łukach, hač do wysokosćow wot 1200-2700 m. Wustupuje na suchich stejnišćach.
Rozšěrjenje
Rostlina je w sewjernej Europje a horinach srjedźneje a južneje Europy (Alpy) rozšěrjena.
Nóžki
-
↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 648.
-
↑ W internetowym słowniku: Günsel
Žórła
- Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 316 (němsce)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 240 (němsce), jako podobna družina Pyramiden-Günsel (Ajuga pyramidalis) pod hesłom Kriechender Günsel (Ajuga reptans)
- Ullstein Lexikon der Pflanzenwelt, 1973, ISBN 3-550-16019-4, strona 174, pod hesłom Günsel (němsce)
- Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
- Kubát, K. (Hlavní editor): Klíč ke květeně České republiky. Academia, Praha (2002)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
