Anggang-anggang ya iku jinisé kéwan gegremet kang uripé ana banyu.[1] Ing basa Inggrisé mau water strider, saliyané iku uga ana kang ngarani jesus bug.[1] Anggang-anggang utawa iwak sewu iki bisa didadèkake pratandha alami yèn banyu iki ora kena limbah.[2]
Anggang-anggang wujud saklompok gegremet pamangsa sing kabèh kalebu sajeroning suku Gerridae. Anggotané, watara 340 jinis, akèh sing angèl dibédakaké. Sajeroning literatur ditepungi uga kanthi salah kaprah minangka "angga-angga banyu", sanajan gegremet iki pancèn dudu angga-angga. Jeneng "anggang-anggang" dhéwé asalé saka obahé sing maju-mundur sambi ngambang.[3]
Gegremet iki gampang banget ditepungi amarga kabiyasaan uripé sing mesthi mlaku/mlumpat ing lumahing banyu. Obahé rikat, bisa nganti 1.5 m/s. Akèh-akèhé urip ing banyon anteng, nanging ana limang jinis (saka marga Halobates) sing dikawruhi urip ing lumahing samodra.[4] Saka lumahing banyu, anggang-anggang ngincer mangsa (lumrahé gegremet liya) sing ana ing cerak lumahing banyu.
Kéwan iki dadi modhèl sajeroning panlitèn biofisika ngenani kamampuan tekanan lumah sajeroning nyangga beban. Ana rong aspèk sing dadi kawigatèn: kamampuan ngambang ing lumahing banyu lan kamampuané obah maju kanthi rikat.
Kamampuan ngambang asalé saka anané rambut-rambut cilik banget (microsetae) kasusun kanthi arah tinentu mawa lekukan-lekukan sajeroning ukuran nanometer ing pucuk sikilé lan dijangkepi karo lapisan malam (lilin), nanging èfèk hidrofobik luwih disebabaké déning struktur fisik sikil tinimbang lapisan malam sing ana.[5] Dikawruhi uga, ana pojok kontak èfèktif sikil karo banyu gedhéné 167.6° ± 4.4°. Amarga rapeté rambut-rambut cilik sarta lekukan-lekukan sing ana, udara kacandhet ing struktur iku lan duwé fungsi minangka "bantalan" ing lumahing banyu.
Kamampuan obah kanthi rikat uga narik kawigatèn èlmuwan. Kanggo obah, anggang-anggang ngenet lumahing banyu mawa pasangan sikil tengahé tanpa nembus lumahing banyu, mbentuk cekungan ing lumahing banyu. Cekungan iki cukup jero kanggo nyurung awak gegremet maju. Kajaba iku, sapérangan indhividu bisa migunakaké sewiwi sing sok-sok diduwèni gegremet iki. Sajeroning kaanan urip kurang nguntungaké, anggang-anggang akèh-akèhé ora duwé sewiwi.[6]
Anggang-anggang ya iku jinisé kéwan gegremet kang uripé ana banyu. Ing basa Inggrisé mau water strider, saliyané iku uga ana kang ngarani jesus bug. Anggang-anggang utawa iwak sewu iki bisa didadèkake pratandha alami yèn banyu iki ora kena limbah.
Anggang-anggang wujud saklompok gegremet pamangsa sing kabèh kalebu sajeroning suku Gerridae. Anggotané, watara 340 jinis, akèh sing angèl dibédakaké. Sajeroning literatur ditepungi uga kanthi salah kaprah minangka "angga-angga banyu", sanajan gegremet iki pancèn dudu angga-angga. Jeneng "anggang-anggang" dhéwé asalé saka obahé sing maju-mundur sambi ngambang.
Gegremet iki gampang banget ditepungi amarga kabiyasaan uripé sing mesthi mlaku/mlumpat ing lumahing banyu. Obahé rikat, bisa nganti 1.5 m/s. Akèh-akèhé urip ing banyon anteng, nanging ana limang jinis (saka marga Halobates) sing dikawruhi urip ing lumahing samodra. Saka lumahing banyu, anggang-anggang ngincer mangsa (lumrahé gegremet liya) sing ana ing cerak lumahing banyu.
Kéwan iki dadi modhèl sajeroning panlitèn biofisika ngenani kamampuan tekanan lumah sajeroning nyangga beban. Ana rong aspèk sing dadi kawigatèn: kamampuan ngambang ing lumahing banyu lan kamampuané obah maju kanthi rikat.
Kamampuan ngambang asalé saka anané rambut-rambut cilik banget (microsetae) kasusun kanthi arah tinentu mawa lekukan-lekukan sajeroning ukuran nanometer ing pucuk sikilé lan dijangkepi karo lapisan malam (lilin), nanging èfèk hidrofobik luwih disebabaké déning struktur fisik sikil tinimbang lapisan malam sing ana. Dikawruhi uga, ana pojok kontak èfèktif sikil karo banyu gedhéné 167.6° ± 4.4°. Amarga rapeté rambut-rambut cilik sarta lekukan-lekukan sing ana, udara kacandhet ing struktur iku lan duwé fungsi minangka "bantalan" ing lumahing banyu.
Kamampuan obah kanthi rikat uga narik kawigatèn èlmuwan. Kanggo obah, anggang-anggang ngenet lumahing banyu mawa pasangan sikil tengahé tanpa nembus lumahing banyu, mbentuk cekungan ing lumahing banyu. Cekungan iki cukup jero kanggo nyurung awak gegremet maju. Kajaba iku, sapérangan indhividu bisa migunakaké sewiwi sing sok-sok diduwèni gegremet iki. Sajeroning kaanan urip kurang nguntungaké, anggang-anggang akèh-akèhé ora duwé sewiwi.
