Каранфиловидни ((науч. Caryophyllales)) — ред на цветни растенија каде спаѓаат кактусите, каранфили, штировите, ледениците и најразлични месојадни растенија. Многу растенија од родот се сочници, со месести стебла или листови.
Во каранфиловидните влегуваат 6% од сите дикотиледонски видови.[1] Редот им припаѓа на јадрените евдикоти[2] и содржи 33 семејства, 692 рода и 11.155 видови.[3] За монофилијата на каранфиловидните сведочат нуклеотидните низи, податоците од низите на цитохром c и наследните особености како развојот на ѕидовите на прашникот и проводните елементи со прости дупчиња. [4]
Според системот APG II (2003), во овој ред спаѓаат мошне застапени растенија како кактусите, каранфилите, спанаќот, цвеклото, ревенот, росилките, венерините муволовки и бугенвилејата. Неодамнешните молекуларни и биохемиски наоди утврдуваат дополнителни кладови во рамките на родот.
Каранфиловидни ((науч. Caryophyllales)) — ред на цветни растенија каде спаѓаат кактусите, каранфили, штировите, ледениците и најразлични месојадни растенија. Многу растенија од родот се сочници, со месести стебла или листови.
