Qara kərgədan (lat. Diceros bicornis) — kərgədanlar fəsiləsinin qara kərgədan cinsinə aid yeganə növ. Yox olma təhlükəsi altındadır.
Gövdəsinin uzunluğu 300-375 sm. Peysərdə hündürlüyü 140-150sm. Çəkisi 1-1,8 ton. Başında iki, bəzən üç və hətta beş buynuzu olur. Qabaq buynuzunun uzunluğu adətən - 50, maksimum 138 sm. Qabaq dodağının ucu biz kimidir və xortum kimi aşağı dodağının üstünə sallanır. Rəngi adətən tünd qonur olur.
Afrikada savanna ərazisində Namibiyadan və Kap əyalətinin cənub-qərbi hissəsindən Botsvana, Zimbabve, Mozambik, Malavi, Zambiya, Anqola, Konqo, Tanzaniya, Uqanda, və Keniyadan, Somali, Efiopiya, Sudandan qərbə MAR, Şimali Kamerundan, Çada eləcə də Nigeriyaya qədər yayılmışdır. Hal hazırda bu ərazilərin bəzi yerlərində, əsasən Milli parklarda, bir birindən uzaqda yerləşən sahələrdə qalıblar. Quru meşələrdə, savannalarda, çöllərdə və hətta yarımsəhralarda məskunlaşırlar.
Qara kərgədan (lat. Diceros bicornis) — kərgədanlar fəsiləsinin qara kərgədan cinsinə aid yeganə növ. Yox olma təhlükəsi altındadır.
