O capibara[1] (Hydrochoerus hydrochaeris) é o meirande roedor vivente do mundo.[2] Está relacionado co Dasyprocta leporina, a chinchilla, o Myocastor coypus e as cobaias.[3] O seu nome común, que provén do tupí ka'apiûara, significa «come-herba» (ou, literalmente, «aquel que come follas finas)»,[4] mentres que o seu nome científico, hydrochaeris, deriva dos étimos gregos ὕδωρ, «auga» e χοίρος, «porco».
Os capibaras teñen o corpo en forma de bocoi e unha testa pequena coa pelaxe marrón avermellada na parte superior do corpo que se converte en marrón amarelado na parte inferior. Poden medrar até os 130 centímetros de longo e pesar até 65 quilogramos. Os capibaras carecen de cola e teñen vinte dentes. As sás patas posteriores son lixeiramente máis longas que as anteriores e o fociño é romo, cos ollos, o nariz e as orellas na parte superior da testa. As femias pesan un chisco máis que os machos.[3]
O capibara (Hydrochoerus hydrochaeris) é o meirande roedor vivente do mundo. Está relacionado co Dasyprocta leporina, a chinchilla, o Myocastor coypus e as cobaias. O seu nome común, que provén do tupí ka'apiûara, significa «come-herba» (ou, literalmente, «aquel que come follas finas)», mentres que o seu nome científico, hydrochaeris, deriva dos étimos gregos ὕδωρ, «auga» e χοίρος, «porco».
Os capibaras teñen o corpo en forma de bocoi e unha testa pequena coa pelaxe marrón avermellada na parte superior do corpo que se converte en marrón amarelado na parte inferior. Poden medrar até os 130 centímetros de longo e pesar até 65 quilogramos. Os capibaras carecen de cola e teñen vinte dentes. As sás patas posteriores son lixeiramente máis longas que as anteriores e o fociño é romo, cos ollos, o nariz e as orellas na parte superior da testa. As femias pesan un chisco máis que os machos.