Macrolepiota procera (Scop.) Singer 1948

A Paracquella (Macrolepiota procera) hè un tipu di fungu chì face parte di a famiglia di l' Agaricaceae.

U cappellu hè largu, u so diamitru variendu da 15 à 40 cm. À l'iniziu, u cappellu hè sferuidale ind'è a paracquella ghjovana. Dopu, u cappellu diventa mezu-ellitticu eppo hè finalmente pianu à maturità, ind'è a paracquella adulta. U pede hè bùfulu è fibrosu. Hè longu sin'à 40 cm.

A paracquella ghjovana

Parechji sinonimi di Macrolepiota procera sò:

• Agaricus procerus Scop.
• Lepiota procera (Scop.) Gray
• Lepiotophyllum procerum (Scop.) Locq.

A paracquella hè un fungu manghjarecciu. U pede hè appena più duru, sopratuttu ind'è u fungu adultu, è si caccia d'abitudine.

Uni pochi di funghi chì s'assumiglianu à a paracquella sò:

• Macrolepiota gracilenta
• Macrolepiota excoriata
• Macrolepiota Konradii

ma sò tutti manghjarecci.

In Corsica

A paracquella hè assai cumuna in Corsica. Hè ancu chjamata u paracquellu (in Corti, Dizz. U Muntese), a cappusgiula, a cappelllina o u cappellu di mortu. U nome corsu paracquella vene da u fatu ch'è 'ssu fungu pare un picculu paracqua.

Galleria d'imagine

• A paracquella

• Stadi di crescita

• Macrolepiota procera

• 
• 
• 
• 
• 
• 
• 

Referenze

• Ciavatti, Petru (dir. redazzione) Dizziunariu U Muntese, 1984, Albiana

Ligami

• I funghi, Ghjurnata di a Lingua Corsa 2001, Adecec
• A flora - i funghi

Da vede dinò

• funghi di Corsica