Os peixes (Pisces) son animals vertebratos d'as auguas, típicament ectotermicos, recobiertos d'escatas y dotatos de dos conchuntos d'aletas por parellas y de quantas aletas individuals. A especialidat d'a zoolochía que s'ocupa especificament d'os peixes se diz ictiolochía.
Como ye propio d'os primers vertebratos, viven en las auguas y, a diferencia d'o que observamos en os tetrapodos, a respiración se produce prencipalment por branquias internas clavadas en fendillas d'a farinche. A locomoción se basa en una forma hidrodinamica, con movimientos laterals d'o cuerpo auxiliatos por extremidatz que son aletas.
O grupo ye muy heterochenio y incluye formas tan dispars como as lampredas, os tiburons u los atuns, totalizando arredol de 30.000 especies, estando lo grupo más numeroso d'os vertebrados.
Os peixes obtienen l'oxichén (O2) disuelto en l'augua a traviés de branquias, que en lur caso se sitúan entre as fendillas farinchias u fendillas branquials.
Os peixes tienen una circulación simple y completa. O corazón poseye dos cambras con diferent masa muscular. L'auricla ye a cambra con menos masa muscular y o ventriclo a que mes. A l'auricla entra sangre sin oxichén provinient d'os teixitos de lo cuerpo, pasa a lo ventriclo, que la bombeya a los arcos branquials, que se capilarizan en as branquias, a on s'oxichena a sangre pa dimpués ser ninviata a tot lo cuerpo.[1][2]
Dimpués de pasar por os capilars branquials a sangre pierde muita presión y pasa a un vaso sanguinio dorsal dito aorta dorsal. L'aorta se ramifica en arterias de menor calibre que plegan a los diferents organos d'o cuerpo, y se ramifica en arteriolas y capilars que irrigan los diferents teixitos.[1][2]
Dimpués d'irrigar los diferents teixitos los capilars converchen en venulas que se reunen en diferents venas que s'unen formando una vena que desemboca en o seno venoso y dimpués arriba en l'auricla de nuevo.[1]
O telencefalo u cerebro d'os peixes ye relacionato con funcions olfativa y recibe a denominación de cerebro olfativo u rinencefalo. O mesencefalo controla os comportamientos complexos.[2]
En os peixes gosa distinguir-se cinco tipos d'aletas diferents seguntes a zona d'o cuerpo en a que se troban: as peitorals, as pelvianas, a dorsal, a caudal y l'anal.
Os peixes s'orichinoron a partir d'atros cordatos a primers d'o Cambrián. No se sabe a scencia cierta exactament a on fixar o suyo orichen; o grupo más primitivo d'os peixes, os agnatos —que no poseyen mandibulas— aplega a las lampredas y a los mixines.
Os vertebratos terrestres (tetrapodos) se diferencioron a partir de peixes pulmonatos emparentatos con o celacanto u los dipnous, y bellas d'as primeras formas son a meyo camin entre o nuestro concepto de peix y o d'amfibio.
O grupo d'os peixes ye parafiletico y se define como todos os vertebratos que no son tetrapodos, ye decir, por a exclusión d'un taxón (os tetrapodos) d'atro mayor (os vertebratos), y no por a posesión de caracteristicas derivatas comuns. As especies hue existents perteneixen a tres grupos (a vegatas consideratos clases, a vegatas superclases:
O siguient cladograma amostra las relacions filocheneticas d'os distintos grupos de peixes y d'istos con os tetrapodos (seguntes Hickman):[3]
VertebrataNote-se que os sarcopterichios son más estreiament emparentatos con os tetrapodos (vertebratos con quatre patas) que con a resta de peixes.
Asabelos tipos de peixes fan migracions regularment, en escalas que van d'o día a día dica anyals, y con distancias que van dende no guaires metros dica mils de kilometros. O fin comunment se relaciona cheneralment con l'alimentación u la crianza; en bell caso a razón ta la migración ye desconoixita.
Clasificación d'os peixes migratorios
Os peixes anadromos más conoixitos son os salmons, que eclosionan en chicotas corrients d'augua dulce, baixan a la mar y viven quantos anyos; dimpués tornan a los mesmos ríos a on que son naixitos, desovan, y poco dimpués mueren.
O peix más notable dintro d'os catadromos ye l'anguila d'augua dulce, con larvas que flotan a la deriva en l'ocián ubierto a vegatas por meses u anyos, antis de viachar mils de kilometros a los suyos rigachuelos orichinarios, donde se desembolican dica adubir o suyo estato adulto, ta tornar-se-ne a lo ocián a desovar.
A migracion vertical diaria ye un comportamiento común; muitas especies marinas se dirichen a la superficie de nueit ta alimentar-se; dimpués tornan a las fonduras marinas mientres o día.
Un gran número de peixes marinos, como l'atún, migra de norte a sud anyalment, siguindo as variacions de temperatura en l'ocián. Isto ye de gran importancia ta la pesca.
As migracions d'os peixes d'augua dulce son cheneralment más curtas, tipicament dende un laco a un río u viceversa, por motivos de desove.
Os peixes asinas, como otros organismos aquaticos, pueden clasificar-se ecolochicament por su tolerancia a distintas salinidatz, en eurihalinos u estenohalinos, así como por otros aspectos de lur adaptación.
La part d'a zoonimia que estudia as denominacions d'os peixes ye a ictionimia. Los estudios lexicos d'as parlas alto-aragonesas amuestran denominacions de peixes fluvials, con pocos eixemplos de peixes marins. Bi ha denominacions d'especies marinas documentadas de l'aragonés medieval en peaches y en estudios d'o lexico comercial.
Son ictionimos documentaus en aragonés medieval u actual:
Os peixes (Pisces) son animals vertebratos d'as auguas, típicament ectotermicos, recobiertos d'escatas y dotatos de dos conchuntos d'aletas por parellas y de quantas aletas individuals. A especialidat d'a zoolochía que s'ocupa especificament d'os peixes se diz ictiolochía.
Como ye propio d'os primers vertebratos, viven en las auguas y, a diferencia d'o que observamos en os tetrapodos, a respiración se produce prencipalment por branquias internas clavadas en fendillas d'a farinche. A locomoción se basa en una forma hidrodinamica, con movimientos laterals d'o cuerpo auxiliatos por extremidatz que son aletas.
O grupo ye muy heterochenio y incluye formas tan dispars como as lampredas, os tiburons u los atuns, totalizando arredol de 30.000 especies, estando lo grupo más numeroso d'os vertebrados.
