Pisces

Zoutwoatervisschn

Zoetwoatervisschn

Visschn zyn beestn die in de zêe of in 't woater leevn. Z'en gin loungn (de loungvisschn uutgezounderd), moa wel kieuwn voe t'oastmn.

Der zyn verschillende sôortn visschn. A je ze indêelt volgens de plekke woa dan ze leevn, toun kom je uut op drie sôortn:

• zoutwoatervisschn: in de zêe
• zoetwoatervisschn: in beekn e riviern
• brakwoatervisschn: in overgangsgebiedn tusschn de zêe en riviern

Bioloogn dêeln ze in in twêe superklassn:

• Chondrichthyes of kroakbêenvisschn: lik een hoaie of e rogge
• Osteichthyes of bêenvisschn: 't overgrôte dêel. Dedee zyn ounderverdeeld in nog kêer twêe klassn:
  • Sarcopterygii of kwastvinnign, bv. de coelacanth
  • Actinopterygii of stroalvinnign: weer 't overgrôte dêel, lik e toenge. De mêeste visschn da wyder kenn, zittn in de infraklasse Teleostei.

Der zyn vele menschn die vis eetn. 't Is toun oek e belangryke bronne van inkomstn. Peis moar an de vismyne in Nieuwpôort en ol de visschers an nuze kust.

Sommigste menschn eetn oek eiers van e bepoalde sôorte vis, de steur. Ze noemn dadde kaviaar. 't Zyn oek nog wel aar sôortn vis woavan dan d'eiers kunn upeetn zyn.