Fly Agaric

Muchoradło^[1][2] (Amanita muscaria) nim. Fliegenpilz jo gadojty grib ze swójźby luźiradłowych gribow (Amanitaceae).

Listowa znamka z NDR

Lamela

Wopis

Muchoradło njaso cerwjeny až oranžowy, połkulojty kłobuk z běłymi zbytkami wobalki.

Lamele

Lamele su běłe a liche.

Nožki a kulki

Jeje nožka jo běła, šwižna a mócna a njaso dołoj wisecu, žłobičkowanu manšetu. Kulka jo tucna a spjerchlinata.

Měso

Měso jo běłe, pód kłobukoweju kózu pitśku žołtawe, a pśisamem njewónjate.

Stojnišćo

Rosće w lěśu a nazymje pśedewšym pód brjazami a jehlinačemi.

Glědaj teke

• gadojty grib

Nožki

1. ↑ ^{1,0 1,1} Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 240
2. ↑ ^{2,0 2,1} W internetowem słowniku: Fliegenpilz

Žrědło

• Didier Michelot and Leda Maria Melendez-Howell 2003 Amanita muscaria: chemistry, biology, toxicology, and ethnomycology Mycological Research, 107, 131-146
• Christoph Mayr: Giftfibel, Giftstoffe aus der Tier- und Pflanzenwelt, ISBN 3-86047-390-5, boka 140-141 (nim.)
• Jugendlexikon Biologie, Leipzig 1988, ISBN 3-323-00043-9, bok 106 (nim.)